Мэндчилгээ

Монгол Улсын Хавдар судлалын үндэсний төвийн эмч, сувилагч, эмнэлгийн мэргэжилтэний баг хамт олноо төлөөлөн мэндчилж, Танд эрүүл энхийг хүсэн ерөөе
Манай хамт олон үндэсний хэмжээнд хорт хавдрын оношилгоо эмчилгээний төрөлжсөн мэргэжлийн тусламжийг үйлчлүүлэгч төвтэй аюулгүй, чанар хүртээмжтэй, олон улсын стандартаар хүргэхийг эрхэм зорилгоо болгон ажиллаж байна. Мөн мэргэжлээрээ манлайлагч үндэсний лавалгаа төвийн хувьд хавдрын оношилгоо эмчилгээний шинэ технологийг нэвтрүүлэх, эмчилгээний заавар стандарт боловсруулах, бусад эрүүл мэндийн байгууллагуудыг мэргэжил арга зүйгээр хангах, хорт хавдрын тандалт бүртгэл, статистик мэдээллийг боловсруулан харьяа яам төрийн захиргааны байгууллагуудад хүргүүлэх, хавдрын үндсэн болон төрөлжсөн нарийн мэргэшлийн эмч, мэргэжилтнүүдийг сурган, мэргэшсэн хүний нөөцийг бэлтгэн гаргадаг. Эрүүл мэндийн тусламж, эрдэм шинжилгээ судалгаа, эмнэлгийн мэргэжилтний сургалт гэсэн гурван үндсэн үйл ажиллагааны чиглэлийг хөгжүүлэхэд хүний нөөц, хөрөнгө оруулалт, хамтын ажиллагааг бүхий чиглэл хэлбэрээр хөгжүүлэн ажиллаж байна. Хорт хавдрыг үүсгэх нөлөөлөөс зайлс хийж, урьдчилан сэргийлэх нь хорт хавдраар өвдөхгүй байх гол арга ба эрт илрүүлэх үзлэгт хамрагдаж эрт үед илрүүлснээр аюул эрсдэлгүй, өртөг зардал багатай, бүрэн төгс эмчлэгдэх, амь насаа аврах хамгийн чухал хүчин зүйл юм.
Бид эрдэнэт хүний эрүүл мэнд, амь насыг хавдраас хамгаалж, аврах үйлсэд энэрэнгүй сэтгэл эрдэм мэдлэгээ харамгүй зориулахыг үнэт зүйлээ болгон хичээн ажиллаж байна.

УРЬДЧИЛАН СЭРГИЙЛБЭЛ ХАВДРААР ӨВДӨХГҮЙ
ЭРТ ИЛРҮҮЛБЭЛ ХАВДРААР НАС БАРАХГҮЙ