“Хавдрын тусламж үйлчилгээний цогц шинэчлэл” үндэсний зөвлөгөөн боллоо.

“Хавдрын тусламж үйлчилгээний цогц шинэчлэл” үндэсний зөвлөгөөн боллоо.

Сүүлийн жилүүдэд хавдрын тусламж үйчилгээний төвлөрөлийг сааруулах, аймаг, дүүргүүдийн тусламж үйлчилгээний чадавхийг сайжруулах, бэхжүүлэх, ХСҮТ-ийн хүлээгдлийг бууруулах, ХСҮТ үйл ажиллагаагаа үндсэн зорилго, чиглэл рүүгээ илүү чиглүүлэх боломжийг нэмэгдүүлэхэд онцгой анхаарал хандуулан, олон арга хэмжээг тасралтгүй авч хэрэгжүүлж байгаа билээ.
Энэ хүрээнд 2025 оны 6-р сарын 7-нд ЭМЯ, ХСҮТ хамтран өрх, аймаг дүүргийн эрүүл мэндийн төвүүдээс үйлчлүүлэгчид үзүүлэх тусламж үйлчилгээ, үйлчлүүлэгчийг илгээх журмыг нарийвчлан тодорхой болгож, өрхийн ЭМТ-өөс ХСҮТ хүртэлх эмнэлгийн шатлал хооронд үйлчлүүлэгчдэд тулгардаг хүлээгдэл, чирэгдлийг арилгах менежментийн шинэчлэлийг танилцуулах, хэлэлцэх зөвлөгөөнийг амжилттай зохион байгууллаа.
Тус зөвлөгөөнд эрүүл мэндийн сайд Т.Мөнхсайхан, ЭМЯ-ны холбогдох газар хэлтсийн дарга нар, аймаг дүүргүүдийн ЭМГ, ЭМТ-үүд, лавлагаа шатлалын эмнэлгүүдийн удирдлага, хавдар судлаач эмч нар, ХСҮТ-ийн удирдах ажилтнууд зэрэг 250 гаруй хүн оролцлоо.