Харилцан ойлголцлын санамж бичигт гарын үсэг зурлаа.

УИХ-ын гишүүн, “Булган-Нэг үе” клубын тэргүүн  Ж.Бат-Эрдэнэ клубын гишүүдийн хамт өнөөдөр ХСҮТ-ийн ерөнхий захирал Ж.Чинбүрэнтэй уулзаж  аймгийн түвшинд иргэдийн эрүүл мэндийн боловсролыг нэмэгдүүлэх, хорт хавдрыг эрт илрүүлэх, оношлогоо эмчилгээнд хамрагдалтыг сайжруулах,  хянах замаар хорт хавдрын өвчлөл, нас баралтыг бууруулахад ХСҮТ-тэй хамтран ажиллах талаар санал солилцон ярилцлаа.  Энэ хүрээнд талууд 2017-2019 онд хэрэгжихээр аймгийн засаг даргын мөрийн хөтөлбөрт тусгасан “Хавдаргүй Булган” төсөл дээр хамтран ажиллах тухай харилцан ойлголцлын санамж бичигт гарын үсэг зурлаа. Анхдагчдын өлгий болсон Булганчууддаа эрүүл энх сайн сайхан бүхнийг хүсэхийн хамт хорт хавдрын эсрэг өрнүүлж буй их үйлс нь булган сүүлтэй байхыг ерөөе.